अजयको लर्के जोवान सार्वजनिक (भिडियो)

काठमाडाैं । गायक अजय दोङको आवाजमा ‘लर्के जोवन’ सार्वजनिक भएको छ।

अजय दोङको स्वर र सुसन लामाको शब्द तथा संगीत रहेको गीतका शब्द तथा संगीत सिर्जना गरेका सुसन लामा आफैले गरेका छन्। सुसनले गीतमा नेपाली मौलिक कौडा संगीतको भाव र सांस्कृतिक स्वादलाई समेट्ने प्रयास गरेका छन्। 

गीतको भिडियोमा रिया लामा, अजय दोङ, लुना बुधाथोकी र रोबिन मगरको अभिनय रहेको छ। नेपाली मौलिक भेषभूषा, सांस्कृतिक परिवेश र कौडा नृत्यलाई समेटिएको भिडियोले नेपाली लोकसंस्कृतिको सुन्दर झल्को प्रस्तुत गरेको छ।

गीतमा नोर्बु शेर्पाको संगीत संयोजन रहेको छ। गितारमा विकास गजमेर, बाँसुरीमा नगेन्द्र विक्रम राई तथा मादल, खैँजडी, पैजनी र टिन्चुमा भरत बुधाथोकीले वाद्यवादनमा साथ दिएका छन्। अर्पण स्टुडियोमा तयार पारिएको गीतमा अर्पण थिङ तामाङको पनि संलग्नता रहेको छ।

भिडियोमा सरिता प्रजापतिको मेकअप, सञ्जोक एन्ड टिमको प्रकाश व्यवस्थापन र मणिक पाख्रिनको कला निर्देशन रहेको छ। गीतको कोरियोग्राफी तथा निर्देशन प्रतीक ङेस्युरले गरेका हुन् भने सहायक क्यामेरामा आइता जिमे सहभागी छन्। भिडियोको छायाङ्कन तथा सम्पादन विनोद याक्खाले गरेका छन्।

भिडियोः